星期六 , 8 8 月 2020
首頁 / 焦點 / 「黃店」自尋絕路紛紛「執笠」 妄想靠「告急」續命

「黃店」自尋絕路紛紛「執笠」 妄想靠「告急」續命

雖然煽暴派大肆吹捧「黃色經濟圈」,但「黃店」幫襯者日漸減少,唔少「黃店」紛紛「告急」續命,以為可藉此「起死回生」。但早前「告急」嘅「黃店」已相繼「關門大吉」,網民直言,呢種違反經濟規律、將生意變成政治嘅做法係自尋絕路,如果客人感覺食品差劣就會一去無回頭,遲早「執笠」。

有「黃店」唔單只貼滿煽暴文宣,有多張「不招待,」等充滿歧視性標語,更免費派發,黑暴裝備教學資料及黑暴物資,而該店飲品就難飲到令人面露難色:「呢滴係藥水定飲品呀!」亦有「黃店」搵煽暴派政客宣傳,企圖刺激生意,其實根本係飲鳩止渴,死得更快。

事實上,食飲品質素差、顧客日趨減少已成「黃店」常態,「告急風」此起彼伏。今年以來已有數百間「黃店」先後「告急」,連有多間分店、被封為「黃店龍頭」嘅「龍門冰室」近日也要「告急」吊命。現時連「黃店」支持者亦感到不滿,因為有「黃店」趁機在執笠前用「幫手足」等伎倆盡吸黃絲金錢,多個黃圈討論區唔少人表示不會再去幫襯。

發佈留言

Do NOT follow this link or you will be banned from the site!