星期四 , 28 5 月 2020
首頁 / 觀點 / 來論 / 來論 |肺炎陰謀論

來論 |肺炎陰謀論

文/ LC金牛提納奧

兩個星期以嚟,新冠肺炎病毒於全球大規模爆發,截至3月30日,美國感染病例突破14萬,而且有進一步擴大趨勢,呢個世界美國好似事事都要爭做大佬�,然而,伴隨疫情空前緊張,指責同罵戰都進一步升級,呢個病毒急究竟如何命名?病毒來自於邊度?零號病人係邊嗰?大家爭論不休,大國之間嘈交反面,更催生出各種陰謀論,不如就在此拆解分析下,邊個陰謀論最真。

侵侵話,肺炎病毒應該叫中國病毒或者武漢病毒,係由中國傳播出嚟㗎。冇錯,喺中國散播出呢個係事實嚟,病毒由舊年12月頭就開始,因為武漢政府控制不力,未能提早封城導致一傳十十傳百,最終釀成大禍,呢個責任必須由中國政府承擔,但是成個事最大疑團始終都係——病毒由邊度嚟㗎?

陰謀論1:係中國政府實驗室不慎洩漏,導致悲劇。

分析1:講真,實驗室洩漏都有機會發生嘅,所謂家醜不可外揚,都唔會主動透過傳媒講半句,但是有一個問題,如果真係不慎洩漏,按照中國政府嘅技術水平,應該喺研究每一個階段都有同位嘅疫苗,冇可能只造病毒唔準備疫苗,邏輯上唔啱。所以陰謀論1可信度10%。

陰謀論2:中國政府故意放出,目的為搞垮美國、歐洲同日本,妄圖毀滅全球大半人口,跟住自己做世界一哥。

分析2:呢個說法主要來自反共人士以及同中國有競爭關係國家嘅政要,從目前局勢上睇,美國患者一旦突破20萬,成個社會就癱瘓一半,支柱產業一鑊熟,侵侵競選連任亦都冇可能,中美貿易戰就即刻停止,美國停擺,歐洲同日本都要聽中國支笛,咁中國係大贏家,呢個成立。

但成個邏輯上有一個BUG,中國目前已經係世界二哥,好多產業都係各國深度合作牽一發動全身,中國經濟都要依靠海外市場,喪玩病毒殺敵一千可能自損三千,共產黨再癲都唔會冒呢個風險,咁等同於自殺。所以陰謀論2可信度最多20%。

陰謀論3:係中國政府搞垮香港示威者特登製造嘅病毒。

分析3:呢個說法其實有啲搞笑,因為此前親北京人士放出風話北京被迫做好香港長期有示威嘅心理準備,又撤換王志民,相信共產黨認識到香港人嘅憤怒、同埋港府、西環講大話等問題,冇可能突然造出病毒偷襲香港,小朋友都唔會信。陰謀論3可信度最多5%。

陰謀論4:病毒來自外太空。

分析4:我嘅觀點係唔出奇,都有機會,相信整個宇宙人類並不孤單,好多嘢隨時發生可人類卻唔知,美國一直號稱上世紀60年代就有同外星人接觸,中國政府唔敢認但相信同美國一樣。

此外,衍生出另一種觀點係,人類發燒為殺死病菌,係生理反應,咁地球都有可能,現時嘅地球人口數已經多到爆,是否地球都要生理性開始一場大清理呢?類似14世紀嘅黑死病咁,瞬間清理好多人口,地球洗牌喇喂。陰謀論4可信度最多25%。

陰謀論5:美國放病毒,中國係受害者。

分析5:中美貿易戰係大國戰爭,中國想崛起自然要跨越中美貿易戰呢隻攔路虎,美國希望經濟上如打垮前蘇聯同日本一樣擊垮中國,保持霸主地位,雙方理由都好合理同埋好充分。但美國冇可能對中國訴諸武力,唯有靠其他策略,呢個說法坊間已經好多人信。

本人並不太情願相信係美國故意研究病毒投放到中國,原因同陰謀論2分析同理。但有一個時間節點值得注意,舊年世界軍運會,時間係10月中下旬,地點剛好喺武漢,隨後12月頭就爆發病毒,聯想2019年美國大流感,蔓延30個州,370萬人感染,2000多人死亡,流感同新冠肺炎算同科病毒,如果真係由美軍帶入,到中國武漢之後發生咗變異都幾有可能,因為新冠肺炎基因序列相當複雜,變異後成為新冠肺炎再由武漢傳到全亞洲乃至歐美,由最初嘅亞裔人種感染變成歐洲人種也感染,都唔知呢個病毒經過咗幾多次變異,總之係相當恐怖。不幸的是,呢個推理更有依據,陰謀論5可信度達40%。

以上,你覺得邊個陰謀論最真呢?個人覺得呢場瘟疫之下,全球人類都係受害者,但美國或者侵侵嘅態度就更加令人憤怒,請大國負起責任,盡快將世界人民由驚恐中救出嚟,大敵當前係人類嘅劫數,唔好再有任何愚蠢或者自私嘅行為。

發佈留言

Do NOT follow this link or you will be banned from the site!