星期二 , 7 7 月 2020
首頁 / 焦點 / 反新東規劃又撐工程撥款 公民黨被譏「買兩邊」

反新東規劃又撐工程撥款 公民黨被譏「買兩邊」

反對派經常為咗激化矛盾撈政治本錢,而大大力唱衰政府各項政策及措施。唔少反對派議員早前已經講到明反對新界東北發展,上星期五立法會財委會審議2019/20年度基本工程儲備基金整體撥款,其中就有7項同新界東北發展有關。點知表決之際,公民黨3位議員楊岳橋、陳淑莊同譚文豪突然「良心乍現」投咗贊成票,令到佢哋班支持者都玻璃心碎,即刻鬧爆。
身為公民黨黨魁嘅戇橋就解畫,話佢哋就某啲項目撥款投贊成票,唔代表全盤支持新界東北發展規劃。不過網民同佢哋班「獨」友都唔多buy呢個解釋,中大「獨」講師劉正就話:「我從來認為政黨有不同立場係等閒事,但至少要誠實和有一致性邏輯,否則就是政棍。」網民Debby Kong認為:「一邊投贊成票,一邊又話唔系(係)支持規劃發展,咁你唔系(係)支持規劃又投贊成票?成日玩嘢買兩邊!」網民Stephen Wai譏笑:「公民黨不嬲都系(係)兩頭蛇啦,有此政黨出此政棍有乜出奇。」

Do NOT follow this link or you will be banned from the site!