星期四 , 29 10 月 2020
首頁 / 焦點 / 疑批小麗遭滅聲 教師搵老馮揭露

疑批小麗遭滅聲 教師搵老馮揭露

有乜嘢喺小麗老千(劉小麗)個Fb專頁度睇唔到,但喺老馮(馮檢基)個Fb度睇到?咪就係鬧劉小麗嘅留言囉!開晒聲話要參加立法會九龍西補選嘅劉小麗,近日黐嚟黐去黐知名度黐功勞,十號颶風「山竹」襲港時分享吓教協要求教育局宣佈停課嘅post,咪當自己有份爭取囉。不過,一班教協會員就不滿佢借教協知名度扮嘢,疑似留言質疑佢後俾人刪留言。有冤無路訴,唯有走去老馮個Fb揭露小麗老千嘅霸道面目囉。

其中教師「Chun Hin Tang」話,自己當時留言叫小麗老千唔好抽水,講明大把老師唔鍾意佢,結果就俾人刪post滅聲。講到共同敵人小麗老千,老馮嘅「正義感」即刻冒晒出嚟,回覆話︰「一D(啲)『非建制派』對我不但要滅聲,而要我被消失!香港發聲渠道多的是!不要放棄,講民主,就要行民主!大家努力!」有小麗老千支持者就質疑班人係做媒嘅,但就唔提有冇刪過人留言喎。

Do NOT follow this link or you will be banned from the site!