星期二 , 1 12 月 2020
首頁 / 點生活 / 茅台雞尾酒蘭桂坊限定

茅台雞尾酒蘭桂坊限定

全球酒類產品銷售中位列第一的茅台,今個夏天殺入蘭桂坊!鄭晴聽講,下個禮拜五(6月30日)蘭桂坊有個「香港二十.蘭桂坊中國香港回歸派對」,成個蘭桂坊將會化身為大型戶外派對,不單止有樂隊暖場、香港警察樂隊風笛隊、民族舞表演、茅台競飲比賽、攤位遊戲等,絕對不容錯過!

國人皆知、名聞國際的茅台酒將會是焦點!今次有十間酒吧推出限定茅台雞尾酒,連「蘭桂坊之父」盛智文都話,相信今次與國酒茅台合作,會擦出不少火花!好似,酒吧「Bar de Luxe」調酒師長沼由利子,就為了香港回歸20周年創作了名為「繁花似錦」的雞尾酒, 用了毯酒、Aperol、熱情果汁、西柚汁、檸檬汁等,配合茅台複雜多變的味道。至於下個月15、16日的「蘭桂坊音樂啤酒節2017」今年就以「熱帶綠洲」為主題,會有特色夏日啤酒、熱帶風味雞尾酒及來自世界各地的精緻美食,加上精彩的互動遊戲、表演等,一定會為你留下一個美好嘅晚上。

另訊,香港旅遊發展局首次舉辦嘅「香港電競音樂節」將會喺八月四日至六日期間舉行!今次活動唔單止邀請到韓國大型娛樂公司來港舉行SMTOWN音樂會香港站, 仲有風靡全球嘅電子競技賽(EGame)。競賽將會雲集全球四大戰區《英雄聯盟》(LoL)20名職業聯賽戰隊前成員參加電競賽事「王者回歸世界邀請賽」,成員來自歐洲、中國內地、台港澳、北美。當中,北美參賽隊伍於尋日先正式敲定, 當中成員Chaox、TheOddOne, 及IGN ProLeague更獲得不少世界級賽事冠軍,相信必定展開王者對決。

電競總決賽六語直播

想睇嘅朋友仔要留意啦,競賽門票都有唔同種類,好似八月四日會率先進行四強賽,之後會有不同賽區對戰,到最後一日先舉行總決賽,由四強賽中出線兩隊爭奪冠軍寶座,門票會喺下周一(6月26日)於快達票開售。不過,買唔到飛都唔使驚,到時網上會有六種語言的免費直播睇。

Do NOT follow this link or you will be banned from the site!