星期三 , 28 10 月 2020
首頁 / 點生活 / 揸靚車渡海懷舊遊

揸靚車渡海懷舊遊

香港回歸20周年,「七一」慶祝活動超級豐富!維多利亞港除咗當晚有煙花表演外,船公司「洋紫荊維港遊」更會喺當日起,再度舉辦「懷舊汽車渡輪遊」。乘車出海不是夢!

「懷舊汽車渡輪遊」活動分別舉行五日,包括7月1日、8日及22日喺九龍觀塘汽車渡輪碼頭出發;以及7月15日及29日喺香港北角汽車渡輪碼頭出發。

每日共有兩場,分別上午11點15分同下午兩點開始。每場時間約90分鐘,船上仲設有懷舊美食同飲品。

收費方面同舊年「斷車斷人頭計」有些小分別,今年「一架香車配兩位美人」盛惠280蚊,「獨行俠揸電單車」收費150蚊。額外人數每位收費100蚊,大小同價,四人同行一人免費。

如果車牌有「20」字眼,仲全單半價!船公司透露,活動喺上年復辦時勁受歡迎,活動每次可接載26至28架車。想揸住自己嘅靚車渡海?咪錯過大好機會呀!

Do NOT follow this link or you will be banned from the site!